بۆ یادی شاعیری بە هەڵوێست و خەمە ژن ! دوانزەساڵ بەرلە ئەمڕۆ.
ژنێک
بە لای بەردێکدا تیپەری بەرد بزوت و
چاوەکانی بۆ هەلىڕی
بە لای دارێکا تێپەری دار
دار پی کەنی و
لە ئاوازە سەوزەکانی خۆی بۆ ژەنی
بەلا ئاوێکدا تێپەری و
ئاو راستبۆوە و
بۆی بوو بە ئاوێنەی بەژنی
بەلای دوکەڵیکدا رۆیشت
دوکەڵ خۆی بۆ ڕەواندەوە
بەلای تابلۆیەکدا رۆیشت
تابلۆ چوارچێوەی جێهێشت و
شوێنی کەوت
بەلای مێزەرێکا رۆیشت
مێزەر خۆی لەسەر کردەوە و
کەوتە سەما
لە دوایشا
کە بەلای منا تێپەڕی
من پیاوێک بووم تا ئەو کاتە
وشک و برنگ
کەچی وەختێ بە خۆم زانی
کانی شعرم تیا هەلئەقەڵێ و
بووم بە شاعر
سەردان
ئیوارەیەک لەگەل بەهار پیاسەم ئەکرد
لە قەراخ شار گەیشتینە بەردەم ماڵێکی تەنەکە
بە بەهارم وت ببورە
ئەچمە ژوری
سەریک ئەیەم لە خەمە ژنی ئەم مالە و دوو دەقیقە و دێمە دەرێ
هەر ئەوەندە و
چومە ژوری ئیتر پرچی خەمە ژن
توند توند گرتمی و
هەناسەی گلی دامەوە و
لەسەر حەسیری بێکەسی
بەچوار مشقی
لەگەل ئازاریا دانیشتم
وەختێ کە هاتمە دەرەوە
بەهار لەو ناوە نەمابوو
پاییز چاوەڕێی ئەکردم
