گفتوگۆیه‌ك له‌گه‌ڵ ڕادیۆی بی بی سی

 گفتوگۆیه‌كم له‌گه‌ڵ ڕادیۆی بی بی سی سه‌باره‌ت به‌ خۆپیشاندان و پڕۆتستۆكردنی هێرشه‌كانی گرووپی داعش كه‌ له‌ لایه‌ن ڕه‌وه‌ندی كوردی و خوێندكارانی كورد له‌ شاری هیده‌رسفیڵد ئه‌نجامدرابوو. بەشێکی گفتوگۆکە پەیوەندیدار بوو بەو کۆبوونەوەیە لەگەل بەرێز جەیسن مەککارتنی ئەنجاممانداو داوامان لە حکومەتی بەریتانیا کرد هاوکاری حکومەتی هەرێمی کوردستان بکات لە ڕووی هاوکاری مرۆیی و پشتگیری  و پشتیوانی زیاتر ڕووی لە سیاسیی و سەربازییەوە. 

Had great discussion with Louise Martine and speech to BBC Radio Leeds about Kurdish demonstration against ISIS attacks. Latest situation at Kurdistan and Kurdish Students Society's meeting with British MP Jason McCartney. I am very pleased to met you Louise, you came from Leeds to met me.

کۆمەڵەی خوێندکارانی کورد، داوای کۆبوونەوەیی لەگەڵ بەڕێز جەیسن مەککارتنی، کرد.

ئەمرۆ لە زانکۆی هودەرسفیڵد کۆمەڵەی خوێندکارانی کورد، کۆبوونەوەیەکی لەگەڵ بەڕێز جەیسن مەککارتنی ئەنجامدا بە مەبەستی گفتوگۆکردن دەربارەی دۆخی سیاسی و ئەمنی هەرێمی کوردستان و عێراق. چۆن بەریتانیا دەتوانێت ڕۆڵێکی گەورەتر و باشتر لەو دۆخەدا بگێڕێت،و پێکەوە کۆتایی بە تیرۆریستانی داعش بهێنین. کۆمەڵەی خوێندکارانی کورد داواکاری نامەیەک و سەدەها واژۆیان ڕادەستی بەڕێز جەیسن کرد بە مەبەستی داواکردنی هاوکاری مرۆیی زیاتر، پشتگیری سەربازی و پشتگیریکردنی هەرێمی کوردستان لە ڕووی سیاسییەوە، کە بڕیارە لە پەرلەمانی بەریتانیا باسی بکات. لە کۆتاییدا خوێندکاران خۆشحاڵی خۆیان نیاشاندا بۆ بوونی پەرلەمانتارێکی وەها ماندوو نەناس کە دۆستانە پشتیگیری لە داوای کورد دەکات.

شایەنی باسە ئەم کۆبوونەوەیە لەسەر داوای کۆمەڵەی خوێندکارانی کورد ئەنجامدرا.