لە دەرونی خۆتدا بۆ کانی بگەڕێ

دەمێکە مەولەوی فەرمویەتی:

لە دەرونی خۆتدا بۆ کانی بگەڕێ

تا لەمنەتباری هەر قسەیەکی ناخۆش ڕزگارت بێت

مەلی خۆتی، ڕاوی خۆتی، داوی خۆتی

جەوهەر ئەوە بێت کە لەسەر پێی خۆی وەستاوە

ئەو کۆڵەکەیە بێت کە بۆتە لقێکی ئەو!!!

٢٠٠ نەمامی بەڕوو لەبری سووتاندنی درەختێکی بەڕووی ٢٠٠ ساڵە دەڕوێنرێن

لە ٢٠٢٤/١/٤ لە گوندی ڕێژنە، ٢٠٠ نەمامی بەڕووی یەک ساڵە لە چواردەوری درەختێکی سوتاوی بەڕووی  ٢٠٠ ساڵە ڕوێنرا. پەیامی ئەم چالاکییە بۆ خاوەندارێتیکردنە لە ژینگەی کوردستان و  ڕووبەڕووبونەوەی بڕینەوە و سووتاندنی دار لە هەرێمی کوردستان.

چالاکییەکە بەڕێوەبرا لە لایەن: تیمی ژینگەیی ڕێکخراوی ئازادبوون، ڕێکخراوی سروشتی کوردستان، دەستەی کوردستانی بۆ دیراساتی ستراتیژی و توێژینەوەی زانستی، رێکخراوی دڵسۆزانی دەربەندیخان، فاوندەیشنی ڕووەکی کوردستان، گرووپی کوڕانی شیکاگۆ بە هاوکاری ژینگەدۆستان و دانیشتوانی گوندی ڕێژنە، بە ئامادەبوونی بەڕێز ئەمجەد ئەسعەد بەڕێوەبەری کشتوکاڵی دەربەندیخان و نوێنەری قائیمقامی دەربەندیخان، پۆلیسی دارستان و دامودەزگای حکوومی، رێکخراوی پارێزەرانی ئاو، ڕێکخراوی ملەکەوە بۆ پاراستنی ژینگە، رێکخراوی پڵنگانی بێسنوور بۆ پاراستنی گیانەوەری کێوی و نوێنەری حزبی شیوعی لە دەربەندیخان.

دانیشتوانی گوندی ڕێژنە ئەڵێن:

-ئەم درەختە یادەوەریی دوو سەد ساڵی باب و باپیرانی ئێمەیە، ئەم بەڕووە هێمای خۆراگریی و پێکەوە ژیان وهێمای  پیرۆزیی ژینگە بووە بۆ ئاوایی رێژنە. سوتاندنی ئەم بەڕووە گەورەترین زیانی گەیاندوە بە ژینگە و ئێمە. چونکە درەختی  بەڕوو هێمای شکۆی بەرگری و سەوزیی و ژینگەو ژیانە.

کلیکی ئەم بەستەرە بکە بۆ بینینی تۆماری چالاکییەکە: ڕواندن لە بری سوتاندن و بڕیین

بۆ دەستپێکی ساڵێکی نوێ، ڕۆژێکی نوێ، ژیانێکی نوێ و سەوز

 بۆ دەستپێکی ساڵێکی نوێ، ڕۆژێکی نوێ، ژیانێکی نوێ و سەوز و لە یەکەم ڕۆژی ساڵی نوێدا تیمی ژینگەیی ڕێکخراوی ئازادبوون و کارگەی کولتوور لە چالاکییەکی هاوبەشدا بە ئامادەبوونی نوێنەری پارێزگای سلێمانی بۆ سێکتەری ژینگە و بە هاوکاریی ئەندامانی تیمی پەروەردەیی ڕێکخراوی ئازادبوون، رێکخراوی کانگا و گرووپی ئەندازیارانی هەرجارە گوندێک لە چوارچێوەی هەڵمەتی سەوزکردنی کارگە/قۆناغی دووەم، هەستان بە چاندنی ٢٦٢ نەمام و دار لە باخچەی کارگەی کولتوور. 

شایەنی باسە لە قۆناغی یەکەمدا ٢٥٠ نەمام ڕوێندران.

سوپاس بۆ بەرنامەی خۆراكی جیهانی سەر بە نەتەوە یەكگرتووەكان WFP و مەشتەلی سەرچنار بۆ بەخشینی شەتڵ و نەمامەکان بە پرۆژەی سەوزکردنی ژینگە لە کارگەی کولتوور/کارگەی جگەرەی کۆن.

کلیکی ئەم بەستەرە بکە بۆ بینینی تۆماری چالاکییەکە: هەڵمەتی سەوز کردنی کارگەی کولتوور- قۆناغی دووەم