لەگەڵ هەڵوێست

یەکێک لە لێکەوتەکانی گۆڕانی کەش و هەوا بارانی بەلێزمەیە، واتە بارانێکی لە پڕ و بە لێزمە کە ئەبێتە هۆی دروستبوونی لافاو. لافاوێک خاک و خۆڵ رائەمالێت، زەوی لە پێکهاتە و ماددەئەندامییەکانی بەتاڵ ئەکەتەوە. با لێرەدا پرسیارێک بکەین، ئێمە چۆن سود لە ئاوی لافاو وەربگرین و نەهێڵین بەهەدەر بڕوات؟ وەڵام/ نمونەیەکی زۆر سادە و ئاسانتان لەگەل بەش ئەکەم کە تاقیکراوەتەوە و دەرئەنجامی زۆرباشی هەبووە. ئەویش بریتییە لە هەڵکەندنی چاڵی بچوک بەمەبەستی گلدانەوەی ئاو. ئێستە وەرزی بارانە و دەرفەتێکی چاکمان لەبەردەستە بۆ ئەوەی ئێمە هەوڵی خۆمان بدەین . لێرەدا دوو وێنەم لەگەڵ بەش کردون تێیدا ڕوبەرێکی بەرفراوانی زەوی دەبینن سەوزایی بۆ گەڕاوەتەوە دوای هەڵکەندنی چاڵی بچوک. زۆر بە سادەیی ڕێکخراوی ( Justdiggit )، لە ئەفریقا ئامانجیان سەوزکردنی وڵاتەکەیانە لە ماوەی ١٠ ساڵدا. ئەوان لەگەل کۆمەلگەی ناوخۆیی، چالاکوانانی ژینگە و ژنان  دەستیان پێکردووە و کاری باشیان کردووە. یەکێک لەو نمونانەی لێرە ئاماژەی پێئەدەم ئەوەیە لەسەر ئاستی ئەفریقا بە سەدەها هەزار چاڵی بچوکیان هەڵکەندووە و لە وەزی زستاندا ئاوی باراناویان گل ...

بنەمای فەلسەفی ئەم بەرنامەیە/پەرتوکە پێت ئەڵێت: هەر زیانێک تۆ بە ژینگەی بگەیەنیت زیانێکی دوو بەرابەر یان زیاتر بە خۆت و جەستەی خۆت ئەگەیەنێت. ئەم کتێبە شایەنی خوێندنەوەیە. هەر سەبارەت بە ناوەرۆکی ئەم کتێبە چاوپێکەوتنمان لەگەل بەرێز ناسری سەلاحی ئەنجامدا لەم بەسترەوە ئەتوانی بینەری بەرنامەکە بیت.  https://youtu.be/uRSjfAgdJKI

  بیست و حەوتەمین لوتکەی کۆنفرانسی ژینگەیی لایەنەکان بە کۆپ ٢٧، ناسراوە لە شەرم شێخ/میسر لە چوارچێوەی کۆبوونەوەی گشتی نەتەوە یەکگرتووەکان و هەفتەی کەشوهەوا دەستی پێکرد. ئیکۆ فێمینیستەکان داوای ئەنجامدانی کاری بەپەلە لە حکومەتەکانی جیهان دەکەن دەربارەی قەیرانەکانی ژینگە. دیگای خۆیان رون دەکەنەوە بۆ ئەوەی تێگەیشتنێکی گشتگیرتر هەبێت دەربارەی قەیرانەکانی کەش و هەواو ژینگە کە پێکەوە گرێدراون بە نادادپەروەری کۆمەڵایەتی، چەوساندنەوەی ژنان، سیستەمی پیاوسالاری و سەرمایەداری، ڕەگەزپەرستی، بە کاڵاکردنی سروشت، کۆلۆنیالیزم و ئیمپریالیزم. بۆ ڕووبەڕووبوونەوەی قەیرانەکانی ژینگە ژنان بەکۆمەڵ پشتگیری و کاردەکەن بۆ دانان و جێبەجێکردنی ئەو چارەسەرانەی کە دادپەروەرانەن بۆ ژینگە و خەلک. داکۆکیکارانی جیهانی و داڕێژەرانی سیاسەت کاردەکەن بۆ دروستکردنی هاودەنگی دژی نادادپەروەری ژینگەیی و کۆمەڵایەتی، سەرنجمان ڕادەکێشن بۆ ڕەگ و ڕیشەی ئەو قەیرانانەی بە یەکتر گرێدراون هەڵدەستن بە پێشکەشکردنی دیدگا، پڕۆژە، سیاسەت و ستراتیژییەکان کە کاریان پێبکرێت بۆ داڕشتنی جیهانێکی تەندروست و دادپەروەرانە بۆ هەمووان.