دکتۆر نۆبوۆ شیۆیا، پزیشک و چارەسەرکەری ناوداری یابانی دەلێت ئەمرۆ زۆرێک لە خەڵک بەهۆی کەمی ئۆکسژینی پێویستەوە تەنیا سود لە سەدا سی ٣٠٪ تواناکانی مێشکیان وەردەگرن. گەیاندنی ئۆکسژینی پێویست گەورەترین کاریگەری لەسەر خانەکانی مێشک دادەنێت.
زانست دەلێ ٪٧٠ لەسەدا حەفتای خانەکانی مێشک لە خەودان، بەڵام ئەوە بەو مانایە نییە کە چواردە ملیارد خانە، دە ملیاردیان دەخەون. چونکە هەمو خانەکانی مێشک زۆر بە جدی کار دەکەن. بەڵام مەسەلەکە لێرەدایە کە دەتوانن ٣٠٪ تواناکانی خۆیان نیشان بدەن. کاریگەری تەکنیکەکانی هەناسە کە لەم کتێبەدا ڕون کراوەتەوە توانا دابەزیوەکانی خانەکانی مێشک تا رادەی ١٠٠٪ چالاک دەکات.
ئەمە پەرەگرافێکی زۆر کورتی ئەو کتێبەیە کە وێنەی هەردو بەرگ و پێرستەکەیم لێرە داناوە. لەم کتێبەدا شێواز و ڕێگەی دیکەش باس دەکات بۆ تەندروست راگرتنی جەستە و نهێنی گەنج هێشتنەوەی خانەکانی مێشک و جەستە.
زۆر سوپاس و پێزانیم هەیە بۆ هاوڕێ و برام کاک ناسر سەلاحی بۆ ئەو دیارییە بەنرخە و ماندوو بون و کاری وەرگێڕانی بۆ ئەم کتێبە بەشێوەیەک وا هەست ئەکەیت بە کوردی نوسراوە. ئەم جۆرە کتێبانە بە زمانی دایکی ئێمە زۆر کەمە بۆیە جارێکی دیکەش پێزانین و سوپاسی زۆرم هەیە بۆ ئەو بەرپرسیارێتییەی لەسەر شانی خۆی دایناوە و چەندان کتێبی بەنرخی دیکەشی لەسەر خەرجی خۆی خستۆتە بەردەستمان.
تێبینی/ نرخی ئەم دیارییە بە بەهایە تەنیا چوار هەزار دینارە.
