لەگەڵ هەڵوێست

وتاری ڕێکخراوەکانی کۆمەڵی مەدەنی بۆ پشتیوانی مانگرتووان مانگرتنی مامۆستایان و فەرمانبەران ئەمڕۆ پێی نایە رۆژی پانزەهەمینەوە، داواكارییەكانیان کە لە چوار خاڵدا خۆی دەنوێنێ، سەرەتایی و یاسایین، کە لەلایەن دەسەلاتەوە لە خەڵكی كوردستان زەوت كراون و ئەوان بە مەدەنیانەترین شێوازی سەردەم داوای گێڕانەوەیان دەكەن، سور بوونیان لەسەر داواکانیان بە جۆرێک کاریگەری نەرێنی لەسەر تەندروستیان هەیە لە لێواری مەرگ نزیکی کردوونەتەوە، کە بەپێی راپۆرتی لیژنە پزیشکییەکان هێز و توانایان لێبڕاوەو لە ئەگەری بەردەوامبوونیاندا گیان لەدەست دەدەن،  بەڵام بەداخەوە دەسەڵاتدارانی هەرێم كە هۆكاری ئەو نەهامەتیانەن، نەك هەر گوێیان لێ نەگرتن و لە خەمی تەندروستیاندا نەبوون، بەڵكو كەوتنە سوكایەتی و ناو و ناتۆرە نانەوەش، تەنانەت بەشێوازێکی نامەدەنیانە و بە توندوتیژترین شێواز کەوتنە گیانی هاوڕێکانیان لە بازگەی دێگەڵە کە بەشێوەیەکی هێمنانە بە قەڵەمێکەوە بۆپشتیوانی ئەوان بەرەو بارەگای نەتەوە یەکگرتووەکان لە هەولێری پایتەخت بەڕێ کەوتبوون. لەبەرامبەردا، ئێمەی رێكخراوەكانی كۆمەڵی مەدەنی، وێڕای ئەوەی داواكارییەكان بە ڕەوا دەزان...

ئەمڕۆ دووشەممە 10-2-2025, گروپی پشتوانان لەمانگرتوان، سەردانی سەرجەم دوکاندارەکانی ناوبازاڕی سلێمانیمان کرد، بەمەبەستی پشتیوانی جەماوەری مانگرتوان بۆ ئەوەی سبەینێ بۆ ماوەی یەک کاتژمێر لە 11:00-12:00 دوکانەکانیان دابخەن.

 گەنجێکی کەشخە و قۆز، بە جلی کوردیی و شێوەزاری تایبەت بە ناوچەکەی خۆی لە هەرێمی کوردستان و عێراق، دەرئەکەوت. هەمیشە بزەیەک لەسەر روخساری بوو، پڕ وزە بوو. بە سۆرانییەکی جوان ئەخافت و جارجاریش هۆرامی. ئەو لە ناو خەڵکابوو بە زمانی خەڵک قسەی ئەکرد، لەگەڵیانا پێئەکەنی و خەمیشی لەگەڵ ئەخواردن. کەم کەس توانای ئەوەی هەیە بەزمانی خەڵک قسە بکات و  لەگەڵیان پێبکەنێ و بگری.  لەدەستدانی هەر کەسێک کەلێنێکە لە ژیاندا، بەڵام گەنجی وەک کاک وریا سەد حەیف و خەسارە بە تایبەت لە ناو ناوەندی میدیای کوردیی باشور.  هاوبەشی خەمی بنەماڵە و هاورێکانیم، مردنی زۆر بە روداوی هاتوچۆ قەزا و قەدەر نییە بەڵکو بێباکی دەسەڵاتە بەرامبەر گیانی خەڵک. 

(1)  کاک حەمەی مانگر یەکێکە لە مانگرتووانی ساڵی ١٩٩١، ئەمڕۆ ئەو بەشێوەیەکی دیکە بەشداری خەباتی مەدەنی ئەکات. بەرێزێک لە لیژنەی بەرێوبەری مانگرتووان بۆی باسکردم و وتی: کاک حەمەی مانگر رۆژانە خزمەتی میوانەکان ئەکات، چاو و قاوە ئەگێرێت، شەوان تا درەنگ چاوەرێیە خێمەکە چۆڵ بێت بۆ ئەوەی گسکی بات. هیوادارم کاک حەمە نموونەیەک بێت بۆ ئەو بەرێزانەی لە ماڵی گەرم و گوڕی خۆیانەوە دانیشتوون و حوکم ئەیەن.  (٢) چەند رۆژێکە لەگەڵ هاوڕێکانما گفتوگۆ ئەکەین دەربارەی خەباتی مەدەنی و ئەو چاوەروانییانەی ئێمە هەمانە. لێرەوە  حەز ئەکەم ڕای خۆم بنووسم.  یەکەم: نارەزایەتی تەنیا یەک کەس نارەزایەتییە و ئەبێت بەبەشێک لەو بزوتنەوە نارەزایەتیەی لە نەوەدەکانەوە  دەستی پێکردووە.  دووەم: خودی نارەزایەتی و چالاکی تایبەت بە نارەزایەتی هێندەی ئەو داواکارییانەی بەرزئەکرێنەوە، بەهادارە. سێیەم: مانگرتن لە خواردن لەو پەری ژیاندۆستی و تەحەداوە یەت بەرامبەر بە دەسەڵاتێکی زۆر زۆر بێباک. چوارەم: ئێمە تەنیا ئەرکمان ئەوە نییە هانی مانگرتووان بدەین بۆ ئەوەی بەردەوام بن بەڵکو ئەرکمانە گیانیشیان بپارێزین. پ...