ئەشکەوتەکانی باتوو

ئەشکەوتەکانی باتو نزیکەی ١٣ کیلۆمەتر لە باکووری ناوەندی شاری کوالالامپورەوە دوورن، یەکێکە لە شوێنە گەشتیارییە بەناوبانگەکانی مالیزیا. جوانییەکی سروشتیی سەرسوڕهێنەری هەیە و گرنگی ئایینی و کولتووری هەیە بەتایبەت بۆ هندۆسەکان. لە زنجیرەیەک ئەشکەوت، پەرستگا و مەزارگەی هندۆسی پێک هاتووە، کە هەم نوێژخوێنان لە ناوخۆیی وڵاتدا و هەم گەشتیاران لەسەر ئاستی جیهان سەردانی ئەکەن.

تایبەتمەندییە سەرەکییەکان:

*پەیکەری مەزنی لۆرد موروگان: لە بەردەم ئەشکەوتەکاندا پەیکەرێکی گەورەی لۆرد موروگان دەبینیت کە خوداوەندی جەنگی هیندۆسییە و بەرزییەکەی ٤٢.٧ مەترە، دووەم بەرزترین پەیکەری خوداوەندی هیندۆسییە لە جیهاندا.

٢٧٢ پلیکانە: گەشتیاران بەسەر ٢٧٢ پلیکانەی ڕەنگاوڕەنگ سەردەکەون بۆ ئەوەی بگەنە ئەشکەوتە سەرەکییەکە.

ئەشکەوتی پەرستگا: گەورەترین و بەناوبانگترین ئەشکەوتە، چەندین مەزارگەی هیندۆسی تێدایە. ئەمە پەرستگای سەرەتاییە، تایبەتە بە لۆرد موروگان.

ئەشکەوتی تاریک: ئەم ئەشکەوتە بە ئیکۆسیستەمی ناوازەی ئەشکەوتەکە ناسراوە، لە ستالاکتیت و ستالاگمیت پێک هاتووە.

ئەشکەوتەکانی تر: لە ئەشکەوتی بچووکتر پێک هاتوون  و  هەندێکیان بۆ پراکتیزە و ڕێوڕەسمی ئایینی جۆراوجۆری هیندۆسی بەکاردەهێنرێن.

*گرنگی ئایینی: ئەشکەوتەکانی باتو شوێنێکی سەرەکی ئایینییە بۆ هیندۆسەکان لە مالیزیا. فێستیڤاڵی تایپوسام کە ساڵانە لە مانگی یەک یان دوودا بەڕێوەدەچێت، گرنگترین بۆنەیە و هەزاران هندۆسی و گەشتیاران سەردانی ئەکەن.

 

*گرنگی کولتووری و مێژوویی: ئەشکەوتەکانی باتو بۆ یەکەمجار لە ساڵی ١٨٥٩ لەلایەن گەڕیدەیەکی ئەمریکیی بە ناوی ویلیام هۆرنادەوە دۆزرایەوە، بەڵام ناوچەکە مێژوویەکی پڕ چالاکیی مرۆیی هەیە کە دەگەڕێتەوە بۆ هەزاران ساڵ لەمەوبەر. ئەشکەوتەکان هەر لە ساڵانی ١٨٥٠وە بوونەتە شوێنی پەرستن و دواتر و بوونەتە شوێنی گەشتیاریش. ئەشکەوتەکانی باتو  ئەزموونێکی ناوازە پێشکەش دەکەن لە ڕۆحانیەت، سروشت و کولتوور.