خەبات ئەمینی و حەمید مورادی و چیاکۆ یوسفی، سێ گیانبەخشیووی کوژاندنەوەی ئاگری شاخی ئاویەرن، ئەوان چالاکی بزووتنەوەی ئازادیی و ژینگەپارێزی کوردن و هێمای خەباتی دژ بە داگیرکاری و ئیکۆسایدن. ژیان و گیانفیدایی ئەوان بۆ بەدەستهێنانی دادپەروەری ئیکۆلۆژی، بزووتنەوەیەکی کۆمەڵایەتی و جیهانییە. ئەو سێ شۆڕشگێڕە لە پێشەوەی خەباتدا باوەڕێکی قووڵیان بە ئایندەیەک هەبوو کە ڕەگ و ڕیشەی لە دادپەروەری و چارەنووسی خۆنووسین و ئازادیدا هەبێت.
شەهیدبوونیان خەسارەتێکی قووڵە بەڵام بۆ هەمیشە هەڵوێست و بەرخۆدانیان لەگەڵ هەر تۆوێکدا کە لە خاکی کوردستاندا دەچێنرێت ئامادەیی هەیە. ئێمە ڕێز لە یادیان دەگرین و هیوای زوو چاکبوونەوە بۆ بریندارەکان دەخوازین. بە درێژەدان بەو کاروانەی کە گیانیان لە پێناودا بەخشی بۆ کوردستانیکی دوور لە سنووری کۆلۆنیالیزم و توندوتیژی پیاوسالاری و لەناوبردنی ئیکۆلۆژی بەردەوام دەبین.
لە جیهانێکی نیولیبراڵدا تادێت سیستەمی سەرکوتکردن و لەناوبردنی ئیکۆلۆژیی هەموو سنورێکی بەزاندووە، جوامێری و ئیرادەی ئەوان وەک چرایەکی هیوا بەخش لە ئاسمانی شینی کوردستاندا لە تەک ئومێد کۆنەپۆشی و شەریف باجوەر دەمێننەوە و لێیان دەڕوانین. ئەو سروشت پارێزانە بەرامبەر سیاسەتی ئیکۆسایدی کوردستان و داگیرکاری وەستانەوە. خەبات و تیکۆشانی هاوڕێیانمان لە رۆژهەڵاتی کوردستانەوە دەستی پێکرد و هەموو سنورەکانی بڕیووە چونکە خەباتی ئەوان بۆ پاراستنی دایکە زەوی و سروشتە.
ئێمە داوا لە هەموو چالاکوان، رێکخراو و بزووتنەوەکانی ئیکۆلۆژی، فێمینیست، دژەداگیرکاری و دژە سەرمایەداری دەکەین خاوەنداری لەو سێ شەهیدەی سروشت بکەن و دیدگاکانمان یەکبخەین بە ئامانجی پاراستنی سروشت و دایکە زەوی.
خوێنەرمان بن لە وێبسایتی ڕێکخراوی ئازادبوونەوە: بەیاننامەی تیمی ژیبگە
