خوێنی شەهیدانی ژینگە، ڕووناکیی ڕێگەى خەباتى سەوزمانە

(ڕێکخراوی سروشتی کوردستان، ڕێکخراوی ملەکەوە بۆ پاراستنی ژینگە، تیمی ژینگەیی ڕێکخراوی ئازادبوون، گرووپی خۆبەخشی ژینگەى شەهید ئاری، ڕێکخراوى ژینگەى تەندروست، ڕێکخراوى نوێ بۆ پاراستنى ژینگە، ڕێکخراوى ژینگە دۆستى هەڵەبجە، تیمى گۆیژە بپارێزە)،و بە بەشدارى ژمارەیەکى بەرچاو لە چالاکوان و بەشێک لە چین و توێژەکانى پارێزگاى هەڵەبجە و بنەماڵەى شەهیدانى ژینگە. بۆ ڕێزگرتن لە قوربانیدان و بەردەوامیدان بە ڕێبازى دوو ڕۆڵەی ئازا و بیر سەوز و گیانفیدای کوردستان، شەهیدانی ژینگە "ئاری موختار" و "موحەمەد شێخ حەیدەر"، ڕۆژى هەینى 2025/8/22 لەپارێزگاى هەڵەبجە لەسەر گڵکۆی پیرۆزیان کۆبوینەوە. پەیمانمان نوێکردەوە کە لەبری فرمێسکی بێهیوایی، تۆوی هیوا بچێنین و لە شوێنی هەر درەختێکی سووتاو، دارستانێک لە ئیرادە و پەروەردەیەکی ژینگەیی بونیاد بنێین.

سەرەتاى مەراسیمەکە لەسەر گڵکۆى شەهیدى ژینگە (ئاری موختار) لە گۆڕستانى غەریبان بەڕێووەچوو: 

•  وتەى بەخێرهاتن و هاوسۆزى لەلایەن بەڕێز سەروەر قەرەداغییەوە پێشکەشکرا و مەراسیمەکە بەڕێوەبرا.

•  چەپکە گوڵ لەسەر گۆڕى شەهید دانرا. 

•  بەیاننامەى ڕێکخراوە ژینگەییەکان لەلایەن بەڕێز ڕەنگین سەلامەوە خوێنرایەوە.

•  وتارە پێشکەشکراوەکان لەلایەن بەرێزان: (گروپى ژینگەیى شەهید ئارى موختار، بنەماڵەى شەهید ئارى، ڕێبوار کەمال، قایمقامى هەڵەبجە، هاوڕێ هاوکار، مام سوارە، سەروەر قەرەداغى، وەستا سەباح، سەرکاو قەیروز). 

•  (٥)نەمامى زەیتون کەهەر یەکەیان بەناوى شەهیدێکى ژینگەى کورستان و ئاگرەکانى ئەم دوواییەى ڕۆژهەڵات و باشورى کوردستانەوە پێشکەش بە بنەماڵەى شەهیدانکرا. ئەو نەمامانەش بەناوى شەهیدانى ژینگە(حەمید مورادى، چیاکۆ یوسفى، خەبات ئەمینى، ئارى موختار، موحەمەد شێخ حەیدەر).

•  دواتر ڕێکخراوە ژینگەییەکان و قایمقامى هەڵەبجە و بنەماڵەى شەهید ئارى موختار، سەردانى گڵکۆى شەهیدى ژینگە (موحەمەد شێح حەیدەر)مانکرد لە گۆڕستانى گوڵان. چەپکە گوڵ لەسەر گڵکۆى شەهید دانراو و وتەیەک لەلایەن سەروەر قەرەداغییەوە پێشکەشکرا.

•  دواتر سەردانى بنەماڵەى شەهید کرا، وتەى هاوسۆى و ژینگەیى پێشکەشکرا و نەمامى زەیتون پێشکەش بە دایکى شەهید کرا. 

•  کەسوکار و بنەماڵەى شەهیدانى ژینگە بەڵێنى بەردەوامیدان بەڕێگەى شەهیدانیاندا، لەپێناو ئارامى ڕۆحى شەهیدەکانیان و پاراستنى ژینگەى کوردستان. 

خوێنەری بەیاننامەی هاوبەشی رێکخراوەکان بە لەم بەستەرەى خوارەوە:

https://azadbun.com/archives/11324

https://www.facebook.com/share/p/1LjjSY9Fg5/