دوایین زانیاری و پێشھاتەكانی ڤایرۆسی كۆرۆنا لە ھەرێمی كوردستان و عیراق
ئەمڕۆ لە میانی كۆبونەوەیەكماندا لەگەڵ دكتۆر ئەدھەم ئیسماعیل كە نوێنەری گشتی ڕێكخراوی تەندروستی جیھانییە لە عێراق، سەبارەت بە دوایین زانیاری و پێشھاتەكانی ڤایرۆسی كۆرۆنا لە ھەرێمی كوردستان و عیراق دوا.
دكتۆر ئەدھەم داوای لێ كردین كە ئەم زانیارییانە لەگەڵ زۆرترین كەس بەش بكەین:
١.ھەر كاتێك ھەستت كرد نیشانەكانی ڤایرۆسی كۆرۆنات تێدایە كە ئەوانیش كۆكەیەكی نەرم، ماندوو بوونی زیاد، نەمانی تام و بۆن، ئارەق كردنەوە.
بڕۆ لە نەخۆشخانەی گشتی دیاریكراو بە كۆرۆنا، پشكنین ئەنجام بدە.
٢.لە تاقیگە و نەخۆشخانەی تایبەت پشكنینی خێرا ئەنجام دەدرێت كە لە ڕێی خوێنەوەیە و تەنیا لە ٪30 بۆ %35 جێی متمانەیە. واتە لەوانەیە كەسێك كۆرۆنای ھەبێت و لە پشكنینەكە نێگەتیڤ دەرچێت.
بۆیە ئەم پشكنینە ھۆكار بووە كە زۆر كەس بمرێت چونكە كە ئەو كەسانەی كە پشكنینی خێرایان ئەنجام داوە نێگەتیڤ دەرچووە وا مامەڵەیان كردووە كە توشبووی كۆرۆنا نییە. دواتر دۆخی تەندروستییان زۆر تێك چووە و كە براونەتە نەخۆشخانە گیانیان سپاردووە.
٣.ئەو كەسانەی كە سی تی سكان بۆ سییەكانیان ئەنجام دەدەن، لە ئەنجامی ئەو سكانە ئەگەر سییەكانی ھەر كێشەیەكی ھەبێت مانای وا نییە كە كۆرۆنایەتی.
٤.ئەگەر ناتەوێت پشكنین ئەنجام بدەیت ئەوە پێویسێە خۆت كەرەنتین بكەیت بۆ ئەوەی كەسی دیكە توش نەكەیت.
پێویستە ئەوە ڕوون بیت كە پشكنینی كۆرۆنا كە ناوە زانستییەكەی پی سی ئاڕە متمانە پێكراوە و لە نەخۆشخانەی گشتی ئەنجام دەدرێت و تۆش لە نەخۆشخانەی گشتی پشكنینی كۆرۆنا ئەنجام بدە.