لە ناو هەر گروپ، حزب و رێکخراوێکدا کار ئەکەیت یان سەر بە هەر فکر و ئایدۆلۆژیایەکیت، خوێندنەوەی ژنۆلۆژی باشور هاوکارییەکی باشت ئەکات بۆ بیرکردنەوە لە رێگەی نوێ و دەرچوون لەو قەتیس بوون و وەستانەی لە پەیوەست بە مەسەلە و پرسی ژنەوە روبەروی بوینەتەوە...ئەم کتێبە مێژوویەکی دورو درێژی داگیرکاری شەن و کەو کردووە مێژووی تێکۆشانی ژنانی باشور ئەخاتەوە بەردیدەمان و لە دیدگای ژنۆلۆژییەوە شیکاری بۆ ئەکات...شەری تایبەت و ستراتیژی وڵاتانی داگیرکەر بۆ پەراوێزخستن و لاوازکردنی ژن باس ئەکات، میدیا زەبەلاحەکانی جیهان و باشور چ وێنایەک بۆ ژن بەرهەم دەهێنێت؟ رۆڵی ژن لە شۆڕش و پارتەکانی باشوردا چۆن بووە، بەرخۆدانی ژنانی دەربازبووی ئەنفال بە بەلگە دەکات، رۆڵی پەروەردە لە مانەوەی کۆمەڵگە بە زیندوێتی، شرۆڤە دەکات..
پێشنیار ئەکەم بۆ ژنانی رۆژنامەنوس و میدیاکار، ناو پارتە سیاسییەکان، نوسەر و شاعیران، چالاکوان و فیمینستەکان، ژنانی ناو رێکخراوەکان ئەم کتێبە بخوێننەوە، لانی کەم یەک جار...لە کتێبخانەی باشوری کوردستاندا ئەم ئەدەبیاتە زۆر کەمە و ئێمەش زۆر پێویستمانە چونکە ژن یەکەم و کۆتا داگیرکراوە..
سوپاس و ماندوو نەبوون بۆ هەموو ئەو بەرێزانەی ئەم زنجیرەیەیان ئامادەکرد...زۆر سوپاسیش بۆ هاورێی ئەزیزم شۆخان ئەم کتێبە کۆپی خۆی بوو بەمنی بەخشی...
تێبینی/
کتێبەکە لە ناوەندی ئەرشیف و پەرتوکخانەی ژنی کورد دەست ئەکەوێت، بەستەری فەیسبوکەکەیانم لێرە داناوە بۆ ئەوەی پەیوەندییان لەگەڵ بگرن.
https://www.facebook.com/share/16cR8kd2jC/?mibextid=wwXIfr
