کاتێک باس لە گیانبەختکردوانی سروشت دەکەین باس لە ڕێگایەک دەکەین کە مرۆڤ لە پەیوەندییەکی قووڵ لەگەڵ زەوی، سروشت و ژیان هەڵیدەبژێرێت.
خەبات ئەمینی، حەمید مورادی و چیاکۆ یوسفی سێ چالاکی کوژاندنەوەی ئاگری شاخی ئاویەر و سێ چالاکی بزووتنەوەی ئازادی و ژینگەپارێزی کوردستانن. ژیان و گیانبەخشینی ئەوان بەشێکە لە خەباتێکی قوڵتر، خەباتێک دژ بە وێرانکردنی سروشت، دژ بە داگیرکاری و دژ بە ئیکۆساید. بۆیە یادی ئەوان هێمای بەرگریکردنە لە سروشت و لە ژیان.
ئەوان و هەموو گیانبەختکردوانی ژینگە، تەنیا بۆ پاراستنی دارستان و ژینگە خەباتیان نەکرد بەڵکو ئەوان بەرگرییان لە مافی نەوەکانی داهاتوو و لە مافی سروشت کرد.
لە کاتێکدا کە قەیرانەکانی ژینگە لە هەموو جیهاندا رۆژ بە رۆژ قووڵتر دەبێتەوە، ئەوان نیشانیان دا کە پاراستنی سروشت هاوکات پرسیێکی کۆمەڵایەتی، ئابووری و نیشتمانییە. ئەوان نیشانیان دا کە خۆشەویستی بۆ خاک و سروشت بەشێکە لە بەرپرسیارێتی هەموومان بەشێکە لە پاراستنی شوناسی کوردبوون.
یادی ئەوان بانگەوازێکە بۆ ئەوەی هەموومان زیاتر هەست بە بەرپرسیارێتیمان بەرامبەر بە سروشت بکەین. ئەو ڕێگەیەی ئەوان دەستیان پێکردووە بە تێکۆشان و خەباتی ئێمە بەردەوام دەبێت.
هەندێک مرۆڤ تەنیا ژیانێکی ئاسایی ناژین بەڵکوو مانایەک بە ژیان دەبەخشن. گیانبەختکردوانی سروشت و دایکە زەوی ئەو کەسانەن کە ژیانی خۆیان بەخشی بۆ پاراستنی ئەو خاک و سروشتەی کە هەموومان لەسەری دەژین.
هەڵوێست
